Një shqiptar 34-vjeçar është ekzekutuar me armë zjarri në Ekuador, mbrëmjen e së shtunës rreth orës 19:00 sipas orës lokale në qytetin Guayaquil. Viktimë mbeti Ergys Dashi, 33 vjeç nga Durrësi, teksa u qëllua me disa plumba brenda një restoranti në veri të Guayaquil.
Ergys Dashi është viktima e gjashtë ballkanike e një sulmi në Guayas.
Viktimat e mëparshme janë:
Shqiptari Ilir Hidri, i ekzekutuar më 30 maj 2017.
Shqiptari nga Kosova, Remzi Azemi, i sulmuar (mbijetuar) në qendër të qytetit më 7 nëntor 2017.
Malazezo-shqiptari Fadil Kaçani, i ekzekutuar më 14 mars 2018.
Serbi Sasa Spasiç, u vra në një qendër tregtare më 21 prill 2020.
Shqiptari Adriatik Tresa, i eliminuar në La Aurora, në Daule.
Më herët është raportuar në lidhje me aleancat që grupet shqiptare po krijojnë në Ekuador dhe Kolumbi për të siguruar “mbushjen” e Europës me kokainë. Kartelet kolumbiane konkurrojnë për tregun fitimprurës evropian me meksikanët, shqiptarët dhe rusët. Për dërgesat në Evropë, kartelet shqiptare dhe Sinaloa krijojnë aleanca. Tregjet e saj kryesore janë Holanda, Belgjika, Shqipëria, Greqia dhe Spanja.
© SYRI.net