Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

VIDEO-SYRI TV/ Vrasja e policit Prela, zbardhet ekspertiza balistike

VIDEO-SYRI TV/ Vrasja e policit Prela, zbardhet ekspertiza balistike

11:31, 18/01/2022
A+ Aa A-

Dy vjet pas vrasjes së Xhulio Prelës, ekspertiza balistike ka vërtetuar se armët e gjetura në banesën e Redion Hysës, janë përdorur për vrasjen e ish-efektivit të FNSH. Sipas provave balistike, Xhulio Prela u ekzekutua me një pistoletë tip TT, ndërsa arma kallashnikov u përdor për të dëmtuar kamerat e sigurisë së një karburanti që filmuan krimin e rëndë

SYRI TV

Ekspertiza balistike e dy armëve të gjetura në banesën e Redion Hysës pak kohë më parë, ka vërtetuar se ato janë përdorur në vrasjen e ish-efektivit të FNSH-së Xhulio Prela.

Burime bëjnë me dije se aram tip Kallashnikov është përdorur nga kushërinjtë Redion dhe Sokol Hysa, të cilët kanë qëlluar kamerat e sigurisë të një karburanti që ka filmuar vrasjen e ish-efektivit 26-vjeçar.

Ndërkohë, pas ekspertizës balistike ka rezultuar se arma tjetër pistoletë tip TT, është përdorur për vrasjen e Xhuliano Prelës. Redion dhe Sokol Hysa vijojnë të jenë në burg që prej muajit dhjetor të vitit 2020, pasi dyshohet se janë bashkëpunëtor në vrasjen e ish-efektivit të FNSH.

Më herët u lirua nga qelia i arrestuari tjetër për ngjarjen, Nikoll Sherniku, pasi për të nuk u gjetën prova që e lidhnin me vrasjen. Për ngjarjen dyshohet se ka dhe autorë të tjerë, të cilët janë shpallur në kërkim.

Ish-efektivi i FNSH, Xhulio Prela u qëllua me plumb në zemër pas mesnatës së datës 5 dhjetor të vitit 2020, teksa ishte duke u kthyer nga Shkodra për në Tiranë. Dyshimet janë se Prela u vra për shkak të një debati të çastit që pati me autorët.

Bëhet me dije se dy palët janë konfliktuar për dritat e gjata të makinës sepse njëra prej tyre bezdiste drejtuesin e makinës tjetër. Pas debatit banal, rreth 3 minuta pas krimit, autorët e ngjarjes shkuan tek karburanti ku u furnizuar me naftë.

Më pas kanë ndjekur efektivin e policisë dhe e kane qëlluar për vdekje. Madje autorët e krimit të rëndë janë identifikuar nëpërmjet kamerave të sigurisë të një karburanti pranë vendit të ngjarjes.

Policia bën me dije se autori kryesor i krimit është nga Fushë Kuqja dhe është larguar nga Shqipëria menjëherë pas ngjarjes.

© SYRI.net

Lexo edhe:

Komentet

Shto koment

Denonco