Një 29-vjeçar ka ndërruar jetë pasi motori tip “Yamaha” me të cilin udhëtonte është përplasur me një makinë tip "Audi" në fshatin Këmishtaj në Divjakë.

Aksidenti ka ndodhur sot rreth orës 11:00, ndërsa mësohet se viktima quhet Klinton Xharaj.

SYRI TV dhe Syri.net kanë siguruar pamjet e vendngjarjes ku duket se përplasja ka qenë shumë e fortë. Motoristi ka ndërruar jetë në vend. 

"Sot rreth orës 11:00, në fshatin Këmishtaj, shtetasi A. D., 29 vjeç, banues në Divjakë, duke drejtuar automjetin tip "Audi" është përplasur me motomjetin tip "Yamaha" me drejtues shtetasin K. Xh., 29 vjeç, dhe për pasojë ka ndërruar jetë drejtuesi i motomjetit", njofton policia.