EMRAT/ Vrasja që tronditi Gjermaninë, dy shqiptarët kapen në Spanjë

EMRAT/ Vrasja që tronditi Gjermaninë, dy shqiptarët kapen në Spanjë

09:38, 01/12/2021
A+ Aa A-

Policia spanjolle ka arrestuar dy shqiptarë, për një vrasje që tronditi qytetin e Volfsburgut në Gjermani. Të arrestuarit janë Orgest Kurtishi dhe Eglis Veraj. Ata pritet të ekstradohen drejt Gjermanisë.

Kurteshi, 33 vjeç dhe Eglis Veraj, 27 vjeç, akuzohen për një vrasje të ndodhur në gusht të vitit 2019.

Më 13 gusht të vitit 2019, në Vorsfelde të Volfsburgut, një 20-vjeçar u gjet i plagosur rëndë në rrugë. Ai humbi jetën më pas në spital. Një tjetër 31-vjeçar i plagosur arriti që të mbijetonte. Të dy burrat ishin të mbuluar në gjak dhe kishin marrë plagë të shkaktuara nga armë zjarri.

Për të bërë të mundur kapjen e autorëve nisi operacioni “Tattoo”, ku u angazhua një skuadër prej 25 anëtarësh. Operacionit i është vendosur emri “Tattoo”, pasi pak kohë para se të vriteshin, dy të rinjtë sapo kishin dalë nga një studio tatuazhi.

Ende nuk dihet se cila është arsyeja që ka shkaktuar atentatin ndaj të rinjve, por nuk përjashtohet pista e prishjes së pazareve të drogës.

© SYRI.net

Lexo edhe:

Komentet

Shto koment

Denonco