Lajmi i fundit

ÇIM PEKA LIVE/ Erdogan, mik apo sulltan

Vrau sirianin në sy të gruas shtatzënë në Greqi, kapet shqiptari në Francë

Vrau sirianin në sy të gruas shtatzënë në Greqi, kapet shqiptari në Francë

21:03, 29/11/2021
A+ Aa A-

Kapet në Francë një shqiptar i kërkuar për vrasje në Greqi. Shqiptari 35 vjeç është kapur nga bashkëpunimi i Europol me policinë greke.

Ai akuzohet si autor i vrasjes së një 30-vjeçari sirian në datë 16 maj 2010, në sy të bashkëshortes së tij shtatzënë.

Ngjarja atëherë ndodhi në një banesë në Pefki, ndërsa bashkëpunëtori i tij, një shqiptar 24 vjeç u arrestua në datë 2 korrik 2010 në Karditsa.

Dy shqiptarët kishin hyrë në banesën në Pefki dhe pasi kishin lidhur gruan shtatzënë, kishin grabitur para dhe bizhuteri e në fund kishin qëlluar me armë në kokë bashkëshortin e saj sirian.

Dy shqiptarët u akuzuan edhe për një grabitje me armë në 23 prill 2010 në një banesë në Marusi, ku lidhën çiftin dhe grabitën bizhuteri e çelësat e makinës së tyre, me të cilën edhe u larguan nga vendi i ngjarjes.

Shqiptarët dyshoheshin për një sërë grabitjesh në orët e natës dhe policia i konsideronte tepër të rrezikshëm, për shkak të ashpërsisë dhe dhunës gjatë grabitjeve.

© SYRI.net

Lexo edhe:

Komentet

Shto koment

Denonco