Një ngjarje e rëndë ka ndodhur sot pasdite në qytetin e Vlorës, ku një fëmijë 1 vjeç ka prerë qafën me një gotë të thyer.
Plaga ka qenë kaq e madhe, sa vogëlushi ka ndërruar jetë. I mituri D.Kaca ishte me nënën në shtëpi, kur ka ndodhur ngjarja tragjike.
Edhe pse 1-vjeçari u nis menjëherë në spital, nuk arriti të shpëtojë, për shkak të gjakderdhjes.
Mjekët thanë se e kanë pasur të pamundur që të mbajnë në jetë të voglin, pasi kishte gjakderdhje.
Njoftimi i policisë:
Vlorë/Informacion paraprak
Më datë 19.11.2021, rreth orës 18:08, është paraqitur për ndihmë mjeksore në spitalin Rajonal Vlorë, me dëmtime në qafë, dyshohet aksidentalisht, një shtetas i mitur 1 vjeç, i cili si pasojë ka ndërruar jetë.
Grupi hetimor po punon për zbardhjen e plotë të rrethanave të ngjarjes.
© SYRI.net