Këto janë pamjet e fundit ku fëmija 8 vjeç Mateo Vasiu shihet i gjallë, para se të rrëmbehej dhe vritej nga Klodian Çalamani, mesditën e sotme.

SYRI.net ka siguruar pamjet e një kamera sigurie të vendosur në një banesë para shtëpisë së Çalamanit, që duket se janë edhe pamjet që kanë ndihmuar policinë që të gjente vendin ku kishte shkuar 8-vjeçari.

Kamerat e sigurisë së një banesë në fshatin Greçalli të Fierit, ku shihet se si i mituri, i veshur me një xhup të kuq, ecën me shpejtësi drejt dyqanit për të blerë një bukë.

Ka qenë pikërisht autori, 38-vjeçari ai që siç duket e ka joshur djalin duke i dhënë biçikletën e tij dhe më pas i ka kërkuar atij që t’i blinte diçka.

Pamjet në fjalë, që janë edhe të fundit që kanë filmuar Mateon gjallë, janë parë nga familjarët e tij, të cilët të alarmuar kanë njoftuar policinë për humbjen e 8-vjeçarit.