Shoferi i makinës i cili shkaktoi aksidentin në aksin Tepelenë-Gjirokastër pasditen e djeshme, është arrestuar nga policia.
Në pranga ka rënë 33-vjeçari me iniciale R.K. banues në Tiranë. Në vendin e quajtur “Shkalla e Zezë”, ky shtetas ka humbur kontrollin e automjetit dhe ka dalë nga rruga.
Automjeti është rrëzuar disa metra poshtë rrugës e për pasojë janë plagosur dy pasagjerë.
Ata u transportuan menjëherë në spital ku ndodhen aktualisht nën kujdesin e mjekëve jashtë rrezikut për jetën.
Njoftimi i policisë:
Shërbimet e Qarkullimit Rrugor arrestuan në flagrancë shtetasin R. K., 33 vjeç, banues në Tiranë, pasi në aksin nacional Tepelenë-Gjirokastër, në vendin e quajtur “Shkalla e Zezë”, ky shtetas duke drejtuar automjetin tip Peugeot, ka humbur kontrollin e mjetit dhe ka dal nga rruga duke përfunduar disa metra poshtë rrugës.
Për pasojë është dëmtuar drejtuesi i mjetit R. K. dhe pasagjeri, shtetasi S. C., 44 vjeç, banues në Tepelenë, të cilët ndodhen në spital jashtë rrezikut për jetën. Materialet në ngarkim të shtetasit R. K. i kaluan Prokurorisë për veprime të mëtejshme.
© SYRI.net