Zbulohen detaje të tjera nga konflikti që ndodhi sot në Shëngjin, ku një grua afgane sulmoi dhe plagosi me thikë një burrë. Korrespodenti i SYRI TV solli fotot nga vendi i ngjarjes dhe mësoi se gruaja afgane ka sulmuar me thikë pikërisht bashkëshortin e saj.

I plagosuri është dëmtuar në pjesën e barkut dhe është dërguar në spitalin e Lezhës me plagë në bark, por jashtë rrezikut për jetën.

SYRI TV sjell fotot e viktimës së sulmit që është nën shoqërinë e policëve që kujdesen për sigurinë e refugjatëve.

Nuk dihet ende se çfarë konflikti ka pasur midis bashkëshortëve.

Refugjatët e strehuar nga qeveria në resortet e Shëngjinit, të ardhur me avionët e evaukimit nga Kabuli, janë duke pritur në Shqipëri shqyrtimin e dokumenteve dhe nisjen drejt SHBA-së si destinacionin e tyre përfundimtar.