EMRAT/ Medikamente, teste dhe kamera sigurie kontrabandë, dy doganierë mes 4 të arrestuarve

EMRAT/ Medikamente, teste dhe kamera sigurie kontrabandë, dy doganierë mes 4 të arrestuarve

11:38, 21/10/2021
A+ Aa A-

Katër persona, dy prej tyre doganierë kanë rënë në pranga për kontrabandë me medikamente mjekësore.

Policia ka sekuestuar një sasi medikamentesh, kamera sigurie dhe Rapid Test Antigen.

Finalizimi i operacionit "Porosia" arrestoi shtetasit G.K dhe Behar Lleshi, si dhe dy punonjësit e doganës Artan Topuzi dhe Enkel Shehi.

Njoftimi:

Finalizohet operacioni policor i koduar “Porosia”, për goditjen e kontrabandës me medikamente mjekësore.

Operacioni nga Sektori për Hetimin e Krimeve Ekonomike dhe Financiare në DVP Durrës.

Vihen në pranga 4 shtetas, 2 prej tyre doganierë.

Strukturat për Hetimin e Krimeve Ekonomike dhe Financiare në DVP Durrës, në vijim të punës për parandalimin dhe goditjen e paligjshmërisë, në bazë të informacioneve të mara në rrugë operative se disa shtetas po transportonin medikamente mjekësore dhe sende të tjera të paligjshme, pa dokumentacionin përkatës, kanë organizuar punën dhe kanë finalizuar me sukses operacionin policor të koduar “Porosia”, në kuadër të të cilit u arrestuan në flagrancë për veprat penale “Kontrabanda me mallra të tjera”, “Kontrabanda me mallra të licencuara” dhe “Tregtimi dhe transportimi i mallrave që janë kontrabandë”, shtetasit:

G. K., 35 vjeç, banues në Kukës dhe B. Ll., 57 vjeç, lindur në Kosovë dhe banues në Londër.

Shërbimet e Policisë kanë ndaluar në lagjen nr.13, Durrës, një mjet furgon tip “Mercedes Benz”, me drejtues shtetasin G. K. dhe pronar shtetasin B. Ll. Gjatë kontrollit në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore, kamera sigurie dhe Rapid Test Antigen.

Në vijim të veprimeve hetimore, specialistët për Hetimin e Krimeve Ekonomike dhe Financiare arrestuan në flagrancë edhe shtetasit A. T., 58 vjeç dhe E. Sh., 52 vjeç, me detyrë doganier, të dy banues në Durrës. Këta shtetas dyshohet se kanë shpërdoruar detyrën duke mos kryer kontrollin e imtësishëm të mjetit ku u gjetën mallrat kontrabandë.

Materialet i kaluan Prokurorisë së Rrethit Gjyqësor Durrës, për veprime të mëtejshme.

© SYRI.net

Lexo edhe:

Komentet

Shto koment

Denonco