Pas vdekjes tragjike të 4 turistëve rusë, anëtarë të së njëjtës familje në një hotel në Qerret të Kavajës, burime nga Prokuroria e Kavajës thanë se hetimet po kryhen në dy drejtime për rastin.
SYRI TV mësoi se Instituti i Mjekësisë Ligjore po kryen ekspertizën e trupave të pajetë për të zbardhur shkakun dhe paralelisht po zhvillohet edhe ekpertiza për analizat bakteriologjike të ambienteve të saunës së hotelit.
Viktimat ishin prindërit me vajzën e tyre dhe dhëndrrin: Sergei Burenkov 60 vjeç, Natalia Burenkova 58 vjeç, Ekaterina Burenkova 30 vjeçe dhe Nikita Belousov 37 vjeç.
© SYRI.net