Një aksident me pasojë vdekje ka ndodhur mëngjesin e sotëm (15 teor) në aksin rrugor Ura e Tapizës-Fushë Krujë.
Një makinë është përplasur me kolonën e betonit, pasi shoferi ka humbur kontrollin e mjetit.
Nga përplasja e fortë ka mbetur i vdekur drejtuesi i mjetit E.C, 43 vjeç banues në Kamëz. Mësohet se viktima ka qenë i vetëm në makinë në momentin që ka ndodhur aksidenti i rëndë.
Grupi hetimor ndodhet në vendngjarje dhe po punon për zbardhjen e rrethanave të aksidentit.
Njoftimi i policisë:
Krujë/Informacion paraprak
Më datë 15.10.2021, rreth orës 05:17, në aksin rrugor Ura e Tapizës-Fushë Krujë, një mjet me drejtues shtetasin E. C., 43 vjeç, banues në Kamëz, ka humbur kontrollin duke dalë nga rruga, e për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e rrethanave të aksidentit.
© SYRI.net