Lajmi i fundit

'I dënuar për trafik droge’/ Zbardhet EMRI i pronarit të makinës që i vendosën tritol sot në Krujë

Rikthehet protesta e naftëtarëve të Ballshit: Rama të mbajë fjalën, të vërë uzinën në punë

Rikthehet protesta e naftëtarëve të Ballshit: Rama të mbajë fjalën, të vërë uzinën në punë

12:24, 01/10/2021
A+ Aa A-

Sindikata e naftëtarëve të Ballshit i ka kujtuar Kryeministrit Edi Rama që të marrë masa për të rifilluar punën në Uzinën e Përpunimit të Naftës në Ballsh, ashtu siç u premtoi para një viti, pasi në tetor përfundon kontrata për pagat që 850 naftëtarët kanë me qeverinë dhe pas kësaj, ata mbeten pa asgjë.

Sokol Dautaj, kryetari i sindikatës doli sot para medieve duke thënë se “Uzina e Përpunimit të Naftës në Ballsh është nën sekuestro, një vendim që e disponon sindikata e përpunuesve të naftës e kësaj uzine. Sot, 850 naftëtarë po marrin pagë nga qeveria Rama  prej afro një viti.

Pra, uzina, siç është borxhlie ndaj naftëtarëve, është borxhlie dhe ndaj nënkontraktorëve të ndryshëm ndaj ne vijmë çdo ditë para saj dhe presim që të nisë puna ashtu si premtoi Kryeministri Rama.

Ne nuk veprojmë si disa kompani nënkontraktore që vijnë me skrepa e trailerë që të marrin nënprodukte të kësaj uzine apo çfarë të mundin.”

Dautaj tha se meqë  tetori është muaji I fundit nga kontrata që patën me qeverinë Rama 2, tashmë nuk e dinë fatin e uzinës dhe as të punonjësve të saj.

“ Duke u bazuar tek çfarë deklaroi Kryeministri Rama në një media disa ditë më parë se UPN e Ballshit do të nisë nga puna pasi janë në bisedime me kompani serioze, zgjidhje ka, palët të ulen të tavolinë e uzina të fillojë nga puna dhe ne të punojmë e të marrë zgjidhje problemi”.

© SYRI.net

Lexo edhe:

Komentet

Shto koment

Denonco