Është mësuar identiteti i të plagosurit me armë zjarri në Theth të Shkodrës.

I plagosuri është shtetasi Gëzim Ndrezaj, 47 vjeç. Ndrezaj punonte si minator dhe merrej me ndërtim shtëpish.
Dyshohet se ai është plagosur për prishje pazari me autorin. Policia ka identifikuar autorin e kësaj ngjarje.

Banorët kanë thënë se policia ka ardhur vonë në vendngjarje.

Njoftimi i policisë:

Njoftimi i plotë:

Shkodër/Bashkëpunimi me qytetarët vë në pranga një 33-vjeçar që posedonte armë zjarri dhe lëndë narkotike.

Sekuestrohen 1 armë zjarri kallashnikov, një krehër me fishekë luftarakë dhe një sasi lënde narkotike cannabis sativa.

Në vijim të punës për parandalimin, evidentimin dhe goditjen e paligjshmërisë, falë edhe bashkëpunimit me qytetarët, Seksioni Kundër Trafiqeve të Paligjshme dhe Narkotikeve në DVP Shkodër, në bashkëpunim me Forcën e Posaçme Operacionale dhe “Shqiponjat” në DVP Shkodër, bazuar dhe në informacionet e marra se një shtetas posedonte armë zjarri dhe sende të kundërligjshme me vete, menjëherë kanë ushtruar kontroll në banesën e shtetasit për të cilin disponohej informacioni.

Gjatë kontrollit në banesën e shtetasit S. M., shërbimet e Policisë gjetën dhe sekuestruan në cilësinë e provës materiale 1 armë zjarri kallashnikov, një krehër me fishekë luftarakë dhe një sasi lënde narkotike të dyshuar cannabis sativa.

Në përfundim të veprimeve, nga specialistët për Hetimin e Krimit u bë arrestimi në flagrancë i shtetasit S. M., 33 vjeç, banues në Ganjollë, Shkodër dhe materialet i kaluan Prokurorisë së Rrethit Gjyqësor Shkodër, për veprime të mëtejshme, për veprat penale “Armëmbajtja pa leje“ dhe “Prodhimi dhe shitja e narkotikëve”.