Një i 28-vjeçar napolitan, i burgosur në zonën e sigurisë së lartë në burgun e Frosinones, ka shtirë me pistoletë kundër tre të burgosurve të tjerë, pasi ishte rrahur e kërcënuar ditët e fundit nga disa napolitanë e shqiptarë.
Pas incidentit, 28-vjeçari u transferua në një tjetër burg.
Ai kishte kërkuar të bënte dush, duke arritur të bindte një nga rojet që t’i hapte derën e qelisë. Në atë moment, napolitani nxori një pistoletë me të cilën kërcënoi rojën, duke e detyruar t’i jepte çelësat e qelive ku ishin mbyllur personat që e kishin sulmuar pak ditë më parë. Iu afrua qelive dhe shtiu tri herë, duke u përpjekur të godiste të burgosurit.
Menjëherë pas ngjarjes, me anë të një celulari të vogël që mbante në mënyrë të paligjshme, i telefonoi avokatit të tij, duke i kërkuar këshilla se çfarë duhej të bënte. Avokati e bindi që të dorëzohej.
Sipas zbardhjes së incidentit nga autoritetet, ai e kishte marrë pistoletën me një dron nga jashtë burgut.
© SYRI.net