Është arrestuar volejbollisti Eraldo Vora. Ai është kapur duke lëvizur me armë zjarri pa leje, ndërkohë pas kontrollit në banesën e tij janë gjetur kokainë dhe sende të tjera të paligjshme.

Sezonin e kaluar Eraldo Vora u aktivizua me skuadrën e Partizanit ndërsa këtë vit ende nuk dihet se kujt skuadër do t’i përkas dhe mësa duke rruga me sportin po ndahet me ngjarjen e fundit.

Eraldo Vora, 26 vjeç, banues në Sallmone, Shijak lëvizte me “Audin” e tij ku u ndalua më pas nga policia për kontroll. Në makinë iu gjet dhe sekuestrua një armë zjarri pistoletë, 1 krehër dhe 10 fishekë.

Në banesën e Eraldo Vora, shërbimet e Policisë kanë gjetur dhe sekuestruar në cilësinë e provës materiale rreth 14 gr. kokainë, 1 peshore elektronike, një shkop metalik dhe sende të tjera të kundërligjshëm.

Gjithashtu, në banesën e këtij personi u konstatua lidhje e paligjshme e energjisë elektrike. 

Ja njoftimi:

DVP Durrës

Goditet një tjetër rast i armëmbajtjes pa leje dhe i shpërndarjes së drogave të forta.

Finalizohet operacioni policor i koduar "Sallmone".

Operacioni i zhvilluar nga Forca Operacionale dhe strukturat e Narkotikëve në DVP Durrës, në bashkëpunim me Komisariatet e Policisë Durrës dhe Shijak.

Sekuestrohen 1 armë zjarri, municion luftarak, lëndë narkotike kokainë dhe sende të tjera të kundërligjshme, arrestohet në flagrancë poseduesi i tyre. 

Në zbatim të planit të masave për rritjen e parametrave të sigurisë në qytet, kapjen e personave që lëvizin me armë zjarri dhe goditjen e veprimtarisë kriminale në fushën e shpërndarjes së lëndëve narkotike, Forca Operacionale dhe strukturat e Narkotikëve në DVP Durrës, në bashkëpunim me Komisariatet e Policisë Durrës dhe Shijak, në bazë të informacioneve të mara në rrugë operative, kanë mirorganizuar punën dhe kanë finalizuar me sukses operacionin policor të koduar "Sallmone", në kuadër të të cilit u arrestua në flagrancë shtetasi:

Eraldo Vora, 26 vjeç, banues në Sallmone, Shijak, pasi gjatë kontrollit të ushtruar në automjetin tip "Audi", me të cilën ky shtetas po qarkullonte, iu gjet dhe sekuestrua një armë zjarri pistoletë, 1 krehër dhe 10 fishekë.

Në vijim të kontrollit, në banesën e shtetasit Eraldo Vora, shërbimet e Policisë kanë gjetur dhe sekuestruar në cilësinë e provës materiale rreth 14 gr. lëndë narkotike e dyshuar kokainë, 1 peshore elektronike, një shkop metalik dhe sende të tjera të kundërligjshëm. Gjithashtu, në banesën e këtij shtetasi u konstatua lidhje e paligjshme e energjisë elektrike. 

Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje”, “Mbajtja pa leje e armëve të ftohta", "Prodhimi dhe shitja e lëndëve narkotike" dhe "Vjedhja e energjisë elektrike".