Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

Drejt Greqisë me 25 mijë euro, policia kufitare i sekuestron paratë 67-vjeçarit

Drejt Greqisë me 25 mijë euro, policia kufitare i sekuestron paratë 67-vjeçarit

10:20, 28/07/2021
A+ Aa A-

Janë sekuestruar 24.530 euro të padeklaruara në doganën e Kapshticës.

Mësohet se këto para i janë kapur një 67-vjeçar, J.D banues në fshatin Shegas, Lushnjë. Ky person po dilte nga Shqipëria në drejtim të Greqisë, por pas kontrolleve, policia i ka gjetur sasinë e parave të cilat i kishte të pa deklaruara.

Njoftimi i policisë:

Goditet një rast i mosdeklarimit të të hollave në kufi.

Policia Kufitare, në bashkëpunim me autoritetet doganore, parandalojnë dhe godasin një rast të mosdeklarimit të një shume parash në euro.

Procedohet penalisht një shtetas.

Sekuestrohen 24.530 euro të padeklaruara.

Shërbimet e Stacionit të Policisë Kufitare Kapshticë në bashkëpunim me autoritetet doganore, në vijim të punës për parandalimin dhe goditjen e paligjshmërisë, si rezultat i kontrolleve të shtuara bazuar edhe në analizën e riskut, në dalje të Republikës së Shqipërisë, kanë kaluar në vijën e dytë, për kontroll të imtësishëm automjetin tip “Opel” me drejtues shtetasin J. D., 67 vjeç, banues në fshatin Shegas, Lushnjë.

Gjatë kontrollit të ushtruar në mjetin e tij, në një çantë, iu gjetën e sekuestruan në cilësinë e provës materiale 24.530 euro, sasi të cilën ky shtetas nuk e kishte deklaruar.

Veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj këtij shtetasi për veprën penale “Mosdeklarimi në kufi i të hollave”.

Materialet i kaluan Prokurorisë pranë Gjykatës së Shkallës së Parë Korçë.

 

© SYRI.net

Lexo edhe:

Komentet

Shto koment

Denonco