Lajmi i fundit

VIDEO/ Eriksen u trondit nga arresti kardiak disa sekonda përpara se të përplasej në tokë

I përfshirë në trafik droge, arrestohet 29 vjeçari shqiptar/ I iku policisë para tre vitesh

I përfshirë në trafik droge, arrestohet 29 vjeçari shqiptar/ I iku policisë para tre vitesh

16:47, 13/05/2021
A+ Aa A-

Ditën e sotme, një i ri shqiptar, i cili i ka shpëtuar policisë italiane në shkurt të 2019, gjatë një operacioni ku u arrestuan 22 persona, është arrestuar nga autoritetet italiane.

Sipas mediave, i arrestuari është Arbër Kojku, 29 vjeç dhe mbërriti në aeroportin Fiumicino me një fluturim të drejtpërdrejtë nga Tirana.

I riu, të cilit i është dhënë urdhri i paraburgimit të lëshuar nga Giv Livorno, përgjatë këtyre dy viteve ishte vdendosur në Shqipëri.

Operacioni në vitin 2019 kishte bërë të mundur shpërbërjen e një trafiku të paligjshëm të drogës në provincat e Livorno dhe Pisa.

29-vjeçari besohet të jetë një nga rojet e magazinës ku grupi kriminal nën hetim fshehu drogën: një kontejner në një zonë bujqësore në San Giuliano Terme.

Po në këtë vend, në 20 Mars 2018, Karabinierët gjetën 80 kg marijuanë, të depozituara në pritje të tregtimit të saj në tregun Labronian.

Për më tepër, grupi kriminal shqiptar ishte kanali i furnizimit për dy trafikantë me origjinë Napolitane që banonin në ishullin Elba.

Ky i fundit, që i përkiste familjes Tommaselli vepronte në rrethin napolitan të Pianura dhe u vendos kohët e fundit në Campo nell’Elba, bleu drogën nga të dyshuarit shqiptarë dhe e shiti atë në sheshin e dyqaneve Elban.

Në më shumë se 2 vjet hetime, Karabinierët kishin sekuestruar mbi 126 kg marijuanë, më shumë se 5 kg hashash dhe rreth 200 gram kokainë. Arbër Kojku është dërguar në burgun e Perugia.

© SYRI.net

Lexo edhe:

Komentet

Shto koment

Denonco