EMRAT/ Nuk ndaluan skafistin që do dërgonte 55 sirianë në Itali, në pranga 5 roje bregdetare

EMRAT/ Nuk ndaluan skafistin që do dërgonte 55 sirianë në Itali, në pranga 5 roje bregdetare

09:06, 06/05/2021
A+ Aa A-

Janë vënë në pranga 5 roje bregdetare të shpallur në kërkim, pasi akuzohen për “Shpërdorim Detyre” kryer në bashkëpunim.

Sipas policisë këta persona gjatë operacionit për goditjen e tentativës për kontrabandim në drejtim të Italisë̈, të migrantëve nga vendet e treta, në grykëderdhjen e Vjosës, dyshohen se gjatë evakuimit të personave në bordin e mjetit lundrues, kanë shpërdoruar detyrën, duke mos siguruar shoqërimin e të gjithë personave të evakuuar gjatë operacionit, konkretisht drejtuesin e mjetit lundrues (gomone), i cili ka mundur të largohej, shtetasin E. L.(A.), një ndër tre të arrestuarit nga Policia, në muajin janar.

Të arrestuarit janë Bledar Bufaj 38 vjeç, banues në Vlorë, Roland Cani 54 vjeç, banues në Vlorë, Besmir Mece., 26 vjeç, banues në Vlorë, Sejfulla Beja 23 vjeç, banues në Vlorë, Ardit Alikaj, 34 vjeç, banues në Vlorë.

Në janar të këtij viti arrit të shpëtoheshin 55 klandestinë, të cilët do trafikoheshin drejt Italisë me skaf.

Ja njoftimi i plotë i policisë:

Vlorë

Vijon operacioni për parandalimin dhe goditjen e tentativës për kontrabandim të migrantëve nga vendet e treta në drejtim të Italisë, i zhvilluar 4 muaj më parë. 

Në kudër të këtij operacioni janë vënë në pranga, për veprën penale "Shpërdorim detyre", kryer në bashkëpunim, 5 shtetas të shpallur në kërkim, me detyrë roje bregdetare.

Seksioni për Hetimin e Trafiqeve të Paligjshme dhe Narkotikëve në Drejtorinë̈ Vendore të Policisë̈ Vlorë, nën drejtimin e Prokurorisë̈ së Rrethit Gjyqësor Vlorë, pas një̈ pune intensive hetimore disamujore, në bazë të vendimeve të Gjykatës së Rrethit Gjyqësor Vlorë, e cila ka caktuar masën e sigurisë "Arrest në burg", bënë ndalimin e shtetasve:

B. B., 38 vjeç, banues në Vlorë.

R. Ç., 54 vjeç, banues në Vlorë.

B. M., 26 vjeç, banues në Vlorë.

S. B., 23 vjeç, banues në Vlorë.

A. A., 34 vjeç, banues në Vlorë.

Ndalimi i tyre u bë pasi këta shtetas, me detyrë roje bregdetare të Forcës Detare, gjatë operacionit  për goditjen e tentativës për kontrabandim në drejtim të Italisë̈, të migrantëve nga vendet e treta, në grykëderdhjen e Vjosës, dyshohen se gjatë evakuimit të personave në bordin e mjetit lundrues, kanë shpërdoruar detyrën, duke mos siguruar shoqërimin e të gjithë personave të evakuuar gjatë operacionit, konkretisht drejtuesin e mjetit lundrues (gomone), i cili ka mundur të largohej, shtetasin E. L.(A.), një ndër tre të arrestuarit nga Policia, në muajin janar. 

Materialet në ngarkim të tyre i kaluan Prokurorisë̈ pranë̈ Gjykatës së Shkallës së Parë Vlorë, për veprime të mëtejshme.

© SYRI.net

Lexo edhe:

Komentet

Shto koment

Denonco