Ditën e sotme është arrestuar një shtetas ndaj të cilit ishte vendosur masa e sigurimit personal “Arrest në Burg” për veprat penale “Mashtri i kryer në bashkëpunim, më shumë se një herë dhe “Mashtrim me pasoja të Rënda”.

Është bërë arrestimi i 39 vjeçarit A.S ndërsa është shpallur në kërkim edhe shtetasi D.H.

Këta shtetas në bashkëpunim me njëri tjetrin kanë marrë hua shumë të konsiderushem parash nga njerëz të ndryshëm të cilëve u kanë premtuar shërbime të ndryshme.

Arrestimi i këtyre dy shtetasve ka qenë vijim i operacioni ky “Investitorit” më datë 8 dhjetor 2020, ku u arrestua një 49 vjeçare për të njëjtën vepër penale.

Njoftimi i plotë

Në kuadër të operacionit “Investitori”, i zhvilluar më datë 08.12.2020, si rezultat i të cilit u vu në pranga një 49-vjeçare, ka vijuar puna nën drejtimin e Prokurorisë së Rrethit Gjyqësor Tiranë, për identifikimin dhe kapjen e personave të tjerë të implikuar në këtë veprimtari kriminale.

Nga specialistët e Seksionit për Hetimin e Krimit Ekonomik dhe Financiar u bë kapja dhe u ekzekutua urdhri i ndalimit për shtetasin në kërkim A. S., 39 vjeç, pasi Gjykata e Shkallës së Parë Tiranë i ka vendosur masën e sigurimit personal “Arrest në burg” për veprat penale “Mashtrim i kryer në bashkëpunim, më shumë se një herë” dhe “Mashtrim me pasoja të rënda”.

Në vijim të operacionit u shpall në kërkim dhe shtetasi D. H. Këta shtetas, në bashkëpunim me njëri-tjetrin iu kanë marrë shuma të konsiderueshme parash shtetasve të ndryshëm, duke iu premtuar klering/ndërrim apartamentesh, njësi shërbimi, hekur në funksion të ndërtimeve të pallateve apo pajisje me kabina elektrike të tensionit të lartë në funksion të pallateve.