Policia e Beratit ka dalë në një informacion paraprak lidhur mbi ngjarjen e rëndë të ndodhur në mbrëmje në këtë qytet, ku mbeti i plagosur polici, 24 vjeçar, Julian Xhelili.
Sipas policisë së Beratit, efektivi i policisë është vetëplagosur pas një qitje të pavullnetshme të armës, në momentin që ka qenë duke shuar konfliktin midis dy familjeve.
Informacion paraprak
Sot rreth orës 20:20, ka ardhur një telefonatë në Sallën Operative se në lagjen "Dëshmorët e Kombit" shtetasit G.M., M.M. dhe A.M (vëllezër) po konfliktoheshin me shtetasit A.M dhe bashkëshorten e tij shtetasen O.M .
Menjëherë në vendngjarje kanë shkuar shërbimet e Policisë ku kanë ndërhyrë për shuarjen e konfliktit.
Në momentin e ndërhyrjes së shërbimeve të Policisë, tre vëllezërit kanë dhunuar, goditur dhe kanë tentuar ti marrin armën e shërbimit njërit prej punonjësve të policisë dhe gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë J.Xh, i cili ndodhet në Spitalin Rajonal Berat, nën kujdesin e mjekëve.
Nga shërbimet e policisë është bërë, neutralizimi dhe shoqërimi i personave në konflikt dhe është siguruar vendi ngjarjes.
Është krijuar menjëherë një grup i posaçëm hetimor dhe nën drejtimin e Prokurorisë së Rrethit Gjyqësor Berat, vijon puna intensive për sqarimin e plotë të rrethanave të ngjarjes.
© SYRI.net