Zjarrfikësi e liroi nga makina e dëmtuar e tij, por ai e goditi me grusht. Ngjarja jo fort e zakontë ndodhi të dielën në mbrëmje në Casa Bernini ku protagonist është një 22 vjeçar shqiptar i quajtur Artur J., banues në Stradella dhe një zjarrfikës 35 vjeçar.

Mediat italiane shkruajnë se sulmi ishte absurd ndaj burrit, i cili po përpiqej ta ndihmonte. Karabinierët pastaj ndërhynë në vendin e aksidentit dhe dërguan të plagosurin në spital. Shoferi do të denoncohet dhe zjarrfikësi do të jetë në gjendje të paraqesë një ankesë.

Aksidenti rrugor ndodhi të dielën në mbrëmje në Casa Bernini. Shqiptari ishte në timonin e një “Ford Fusion” i cili, për arsye për tu sqaruar, kishte dalë nga rruga dhe shoferi ishte bllokuar në vendin e shoferit.

Disa kalimtarë u afruan për ta ndihmuar por nuk ishin në gjendje të hapnin dyert. Kështu që u kërkua ndërhyrja e një ekipi të zjarrfikësve. Zjarrfikësit arritën të hapin një vrimë në makinë duke nxjerrë shqiptarin. Ky i fundit, në vend që t’i falënderonte ata, sulmoi zjarrfikësin me disa grushta në fytyrë. Nga ky çast filloi një përleshje dhe, në fund, shoferi u bllokua.

Ambulanca shkoi në vendin e aksidentit dhe të dy të plagosurit, automobilisti dhe zjarrfikësi, u transferuan në urgjencën e spitalit Stradella.