Një aksident tronditës me vdekje ka ndodhur vetëm pak çaste më parë në zonën pranë ish-sheshit 'Shqiponja'. Mësohet se një kamion ka përplasur një kalimtare rreth 60-vjeç, ende e paidentifikuar.
Kalimtarja ka mbetur poshtë automjetit të tonazhit të rëndë në një zonë ku po kryhen punime. Shoferi Petrit Rrapi është shoqëruar nga policia.
Tiranë/Informacion paraprak
Me datë 26.02.2021, rreth orës 12:00, në hyrje të rrugës "Abedin Rexha" mjeti me drejtues shtetasin P. Rr., 43 vjeç, ka aksidentuar një shtetase këmbësore, ende të paidentifikuar, rreth 60 vjeçe, i cili për pasojë ka ndërruar jetë.
Drejtuesi i mjetit po shoqërohet në ambientet e Komisariatit të Policisë Nr.2, për veprime të metejshme hetimore.
Vijon puna nga grupi hetimor për zbardhjen e rrethanave të ngjarjes.
© SYRI.net