Janë pamje të frikshme ato që vijnë nga një pallat në zonën e ‘Astirit’ në Tiranë, I cili është përfshirë nga flakët në mbrëmje. Siç shikohet nga pamje nga një pallat përballë, zjarri ka rënë në katin e lartë të pallatit dhe zjarri duket I fuqishëm.

Në vendngjarje nuk shikohen mjete zjarrëfikëse, ndërkohë që nuk ka ende informacione për njerëz të lënduar në këtë ngjarje.

Tiranë/Informacion paraprak 

Me datë 21.01.2020, rreth orës 23:00, në rrugën "Mikel Maruli", ka rënë zjarr në një banesë, ku ka vetëm dëme materiale. 

Sherbimet e Policisë kanë bërë të mundur evakuimin e banorëve dhe nuk ka rrezik për ta. Zjarrfiksja ndodhet në vendngjarje dhe po bënë të mundur fikjen e zjarrit. 

Vijon puna me grupin hetimor për zbardhjen e shkaqeve të rënies së zjarrit.