Një ngjarje e rëndë u regjistrua në mëngjes në një shkollë në Tiranë. Rrjedhja e gazit ka sjellë evakuimin e të gjithë nxënësve. 4 prej tyre përfunduan në spital.
Ngjarja ndërkohë ka shkaktuar një panik të madh jo vetëm te nxënësit, por edhe prindërit e tyre, të cilët janë nisur menjëherë drejt shkollës, ndërsa në të gjithë ambientet jashtë saj ka njerëz të trembur dhe të shqetësuar.
Tiranë/ Informacion paraprak
Më datë 20.01.2021, rreth orës 09:30, në një shkollë në rrugën “Don Bosko”, si pasojë e një rrjedhje gazi në sistemin e ngrohjes, është bërë evakuimi i të gjithë nxënësve të shkollës.
Gjithashtu janë dërguar në spital, katër prej nxënësve ku po ju jepet ndihma mjekësore, pa probleme për jetën.
Në vendngjarje ndodhen shërbimet e policisë, të cilët po punojnë për normalizimin e situatës.
© SYRI.net