Një kopshtar kanabisi, që u kap në një punishte droge në Angli, teksa ishte vetëm me mbathje, është dënuar nga gjykata.
Sipas medieve britanike, shqiptari Mirjan Smakaj tha se e kishin mashtruar, duke e dërguar të punonte në punishten e kanabisit.
33-vjeçari tha se ishte mashtruar nga disa shqiptarë. Ai erdhi në Angli shkurtin e shkuar, me shpresën se do dërgonte ca para në vendlindje për prindërit e sëmurë.
Atij i bënë presion që të punonte në punishten e drogës. Sipas dëshmisë, ai nuk u pagua kurrë mjaftueshëm sa të dërgojë para në shtëpi.
Policia mbërriti në banesë pas raportimeve për një vjedhje. Aty e gjeti shqiptarin vetëm në mbathje, duke folur në telefon. “Nuk di anglisht,” u tha ai oficerëve.
Në banesë u gjet drogë me një vlerë tregu prej të paktën 116 mijë sterlina.
Në fund gjykata e dënoi me tetë muaj burg.
© SYRI.net