Një ngjarje e rëndë është shënuar në Pogradec në fshatin Vërdovë. Një 42-vjeçar humbi jetën si pasojë e zjarrit që përfshiu banesën ku jetonte.
Sipas burimeve të Syri.net, 42-vjeçari jetonte i vetëm, ndërsa godina ishte e braktisur dhe e rrënuar.
Dyshohet paraprakisht se shkak i zjarrit të ketë qenë një shkëndije elektrike.
Burime nga policia bejne te ditur se 42-vjeçari vuante nga probleme të shëndetit mendor.
Dyshohet se ai mbante nje rezistencë për t'u ngrohur. Viktima quhet Nardi Xhukellari
Ja njoftimi i policisë:
Pogradec/ Informacion paraprak
Më datë 18.01.2021, rreth orës 06:00, në fshatin Vërdovë, Pogradec, ka rënë zjarr në një banesë, në katin e dytë të së cilës jetonte i vetëm shtetasi N. Xh., 42 vjeç, i cili për pasojë ka gjetur vdekjen.
Grupi hetimor dhe shërbimet e zjarrfikëses ndodhen në vendngjarje, ku po punohet për të përcaktuar shkaqet e rënies së zjarrit dhe zbardhjen e rrethanave të ngjarjes.
© SYRI.net