Një punonjës ndërtimi në një nga pallatet në ndërtim në Tiranë, mësohet se ka rënë këtë pasdite nga një lartësi e konsiderueshme. Ngjarja ka ndodhur në rrugën ‘Sali Nivica’.

Punëtori raportohet se ka rënë nga skelat gjatë punës.

Ai është transportuar menjëherë në spitalin e Traumës, ndërkohë që nuk ka informacione mbi shëndetin e tij.

Tiranë/Informacion paraprak 

Me datë 15.01.2021, rreth orës 16:40, në rrugën "Sali Nivica", duke punuar në një pallat në ndërtim ka rënë nga lartësia, punëtori shtetasi R.X., 53 vjeç, i cili ndodhet në spital, jashtë rrezikut për jetën. 

Sherbimet e Policisë dhe Grupi Hetimor ndodhen në vendngjarje dhe vijojnë punën për sqarimin e rrethanave të ngjarjes.