Në Korçë gjatë natës ka pasur reshje dëborë me intensitet, kryesisht në orën 19:00-02:00.
Reshjet e dëborës janë shoqëruar edhe me erë të fortë në zonat malore, ndërsa trashësia ka arritur nga 10 cm-20 cm.
Ndërkohë për shkak të reshjeve të borës u punua nga borëpastrueset për mirëmbajtjen e akseve rrugore.
Po ashtu edhe temperaturat vazhduan në ulje, ndërsa në orët e para të mëngjesit temperaturat arritën deri në -7 gradë.
Kalimi i mjeteve në akset rrugore në orët e paradites rekomandohet me zinxhirë ose goma dimërore.
Në dy qafat problematike të Pogradecit, Qafë Thanë e Qafë Plloçë ka reshje me intesitet të lartë dëbore. Edhe pse vijon puna prej disa orësh me mjete borëpastruese sërish qarkullimi është i vështirë dhe kërkohet kujdes i lartë nga drejtuesit e mjeteve. Sipas të dhënave dëbora në Qafë Thanë ka arritur në 15 cm.
Dëbora po shoqërohet edhe me stuhi të erës,duke shkaktuar ndeërprerje të energjisë në zonat e thella malore. Shkëputje të energjisë ka edhe ne qytetin e Pogradecit.
© SYRI.net