Është zbardhur identeti i familjes që humbi jetën në aksidentin tragjik të ndodhur në mbrëmje në Rrugën e Kombit, ku 4 anëtarë të një familje humbën jetën pasi mjeti i tyre u përplas me një trajler.
Viktimat mësohet se janë pjesëtarë të familjes Avdijaj në Kosovë.
Në këtë aksident kanë humbur jetën bashkëshorti 50 vjeç, gruaja e tij 45 vjeç, dy fëmijët respektivisht të mitur si edhe u plagos rëndë fëmija i tretë i moshës 5 vjeç që është transportuar me urgjencë në Spitalin e Traumës në kryeqytet.
Mësohet se burrë e grua kanë ndërruar jetë në vend, ndërsa dy fëmijët kanë ndërruar jetë rrugës për në spital.
Aktualisht mësohet se trupat e viktimave ndodhen në morgun e Spitalit të Rrëshenit.
Shkak për këtë aksident mendohet të jetë bërë shpejtësia dhe parakalimi i gabuar.
© SYRI.net