Një automjet mësohet se ka shpërthyer në flakë në mbrëmje, ndërsa ishte në lëvizje. Ngjarja ka ndodhur në qytetin e Fushë-Krujës.
Dyshimet e para mësohet se kemi të bëjmë me një shkëndijë elektrike. Për fat të mirë nga kjo ngjarje nuk raportohet për persona të lënduar. Siç e shikoni edhe nga pamjet e siguruara nga Syri Tv makina është shkrumbuar plotësisht.
Raportohet se makina tip Citroen, ka qenë e pajisur me impiant gazi.
Shpërthimi ka ndodhur në një ndër zonat më të frekuentuara te Fushë-Krujës.
Fatmirësisht drejtuesi i mjetit e ka konstatuar në kohë problem, pasi ka parë flakë nga pjesa e përparme e makinës dhe menjëherë ka ndërhyrë për të shuar zjarrin me mjete rrethanore.
Në vendngjarje kanë mbërritur dhe zjarrëfikësit e Krujës të cilet po bëjnë izolimin e bombolës së gazit të autoveturës më qëllim evitimin e një shpërthimi të mundshëm.
© SYRI.net