Lajmi i fundit

Çim Peka LIVE/ Anti-Amerikanizmi

Kapet autori i plagosjes në Lezhë/ Policia: E qëlloi Gjinin për motive...

Kapet autori i plagosjes në Lezhë/ Policia: E qëlloi Gjinin për motive...

10:21, 01/12/2020
A+ Aa A-

Identifikohet dhe arrestohet personi që plagosi mëngjesin e sotëm 43-vjeçarin Hilë Gjini në Balldre të Lezhës. Autori është Gjergj Gjini dhe raportohet se e ka plagosur 43-vjeçarin për motive pronësie. Gjini u plagos teksa po dilte me mjetin e tij për të dërguar fëmijët në shkollë.

NJOFTIMI

Policia e Lezhës zbardhi dhe dokumentoi në kohë rekord ngjarjen e ndodhur mëngjesin e sotëm, ku mbeti i plagosur me armë zjarri shtetasi H. Gj.

Kapet pas dy orë ndjekjeje nga shërbimet e Policisë së Lezhës, autori i dyshuar i plagosjes me armë zjarri të 43-vjeçarit.

Shërbimet e Policisë gjetën dhe sekuestruan edhe armën e zjarrit tip "Pushkë", me të cilën autori kreu plagosjen.

Policia e Lezhës, menjëherë pas njoftimit të marrë për ngjarjen e ndodhur në fshatin Balldre, Lezhë, organizoi punën dhe falë reagimit në kohë dhe veprimeve të shpejta e profesionale bëri të mundur që pas dy orë ndjekjeje dhe kërkimesh, falë edhe mbështetjes së qytetarëve, të kapë  në rrethinat e fshatit Balldre dhe të vërë në pranga shtetasin Gj. Gj., 69 vjeç, banues në Balldre. 

Ky shtetas dyshohet se për motive pronësie ka plagosur në këmbë, me armë zjarri, shtetasin H. Gj., i cili ndodhet në spital, nën kujdesin e mjekëve, jashtë rrezikut për jetën.

Strukturat hetimore të DVP Lezhë, nën drejtimin e Prokurorisë së Rrethit Gjyqësor Lezhë, po vijojnë punën për dokumentimin e plotë te kësaj ngjarjeje.

© SYRI.net

Lexo edhe:

Komentet

Shto koment

Denonco