Një ngjarje e rëndë u shënua këtë mbrëmje në qytetin e Lezhës. Një grua e moshës 52 vjeç, u hodh nga apartamenti ku jetonte në katin e dytë të një pallati, duke i dhënë fund jetës, dyshohet në kushte depresioni.

Këto janë pamjet e para nga vendngjarja, ku dallohen forca të shumta policie si edhe autoambulanca.

Lezhë/Informacion paraprak

Rreth orës 16:22, në lagjen "Skënderbeg", Lezhë, shtetasja M.K., 52 vjeçe dyshohet se në kushtet e depresionit është vetëhedhur nga kati dytë i banesës duke gjetur vdekjen.

Shërbimet e Policisë dhe grupi hetimor ndodhen në vendngjarje po punojnë për sqarimin e plotë të shkaqeve dhe rrethanave të ngjarjes.