Katër të arrestuar në Tiranë/ Ja për çfarë akuzohen

Katër të arrestuar në Tiranë/ Ja për çfarë akuzohen

12:43, 26/11/2020
A+ Aa A-

Gjatë orëve të fundit Policia e Tiranës ka vënë në pranga 4 persona, për vepra të ndryshme penale.

Gjatë operacioneve uniformat blu kanë sekuestruar drogë, një shumë parash dhe tre celularë.

Dy të rinj janë arrestuar në zonën e Yzberishtit teksa shpërndanin lëndë narkotike, ndërsa kontrollit të celularëve u vu re se ata organizonin edhe baste sportive online.

“Gjatë kontrollit të ushtruar ndaj shtetasit A. Z. janë gjetur dhe sekuestruar në cilësinë e provës materiale doza me lëndë narkotike kokainë, një sasi me lëndë narkotike kanabis, 3 aparate celular dhe një shumë parash të dyshuara të përfituara nga kjo veprimtari kriminale, ndërsa shtetasit S. Z., gjatë kontrollit fizik i është gjetur dhe sekuestruar një sasi me lëndë narkotike kokainë. Gjithashtu, gjatë këqyrjes së telefonave të shtetasit A. Z. është konstatuar se në njërin prej tyre ai zhvillonte aktivitetin e paligjshëm të vënies së basteve online”, njofton Policia.

Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit J. D., 26 vjeç, pasi në rrugën “Njazi Meka”, ka vjedhur një shumë parash dhe disa produkte në dyqanin në pronësi të shtetasit B. K.

Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit B. M., 29 vjeç, pasi në mënyrë të vazhdueshme ka përndjekur një shtetase,duke i krijuar asaj gjendje frike dhe pasigurie.

Më datë 25.11.2020 u referuan materialet në Prokurorinë pranë Gjykatës së Shkallës së Parë Tiranë, për shtetasen B. K., 32 vjeçe, pasi në rrugën “Hasan Alla“, ka aksidentuar dhe është larguar nga vendi i aksidentit, motorin me drejtues shtetasin J. D., i cili është dërguar në spital nga vetë drejtuesja e mjetit, e cila më pas është larguar. Punohet për kapjen e drejtueses së mjetit dhe sqarimin e rrethanave të ngjarjes.

Më datë 25.11.2020 shtetasi E. T., 34 vjeç, kallëzon se në rrugën “Jordan Misja”, është aksidentuar nga mjeti tip “Opel Vectra” me drejtues ende të paidentifikuar, i cili është larguar nga vendi i aksidentit. Shtetasi E. T., pas marrjes së mjekimit në spital, u largua për në banesë.

U bë shpallja në kërkim e mjetit dhe punohet për identifikimin dhe kapjen e autorit të ngjarjes, njofton Policia e Tiranës.

© SYRI.net

Lexo edhe:

Komentet

Shto koment

Denonco