Janë zbardhur detaje të reja nga aksidenti i rëndë i ndodhur pasditen e sotme në fshatin Iballë të Pukës, ku një makinë ka dalë nga rruga duke i shkaktuar vdekjen drejtorit të Pyjores, Mark Ndou dhe katër punonjësve të IKMT.
Sikundër mësohet automjeti ka dalë nga rruga, dhe personat e lënduar janë punonjës të IKMT Shkodër. Këta të fundit kanë qenë në zonë për të kryer një inspektim.
Të plagosurit jane transportuar me helikopter në spitalin e Traumës në Tiranë, pasi autoambulanca nuk mund të shkonte deri në vendngjarje për shkak të terrenit të thyer malor.
Pukë/Informacion Paraprak
Më datë 25.11.2020, ora 14:15, në fshatin Bugjon një mjet i IKMT Shkodër ka dalë nga rruga dhe si pasojë shtetasi M. N. 60 vjeç , banues në Shkodër ka ndërruar jetë, ndërsa shtetasit A. B. dhe Ll. Gj. po dergohen drejt Spitalit të Traumës Tiranë.
Në vendngjarje ndodhen shërbimet e policisë dhe veprimet po kryhen me grup hetimor, për sqarimin e rrethanave të kësaj ngjarje
© SYRI.net