Një ngjarje e rëndë u shënua gjatë ditës së sotme në Elbasan ku u qëllua në drejtim të një makine në lëvizje me armë zjarri.
Shenjestra e atentatit të dështuar ka qenë Ervis Çausholli, i cili ka mundur t’i shpëtojë plumbave.
Për ngjarjen e rëndë ka reaguar edhe policia e shtetit.
“Autori i dyshuar ka braktisur mjetin dhe është larguar”, thuhet në njoftim. “Deri në këto momente nuk ka asnjë njoftim as nga spitali dhe as nga qytetarët për ndonjë person të plagosur”.
Ja njoftimi i plotë:
Elbasan/ Informacion paraprak
Rreth orës 11:50 , në lagjen "Emin Matraxhiu", Elbasan, dyshohet se gjatë një konflikti është qëlluar me armë zjarri në drejtim të një mjetit. Autori i dyshuar ka braktisur mjetin dhe është larguar. Deri në këto momente nuk ka asnjë njoftim as nga spitali dhe as nga qytetarët për ndonjë person të plagosur.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorit/ëve.
Shërbimet e Policisë po krehin zonën në të cilën dyshohet se mund të jetë fshehur autori që ka qëlluar me armë zjarri.
© SYRI.net