Një grabitës shqiptar ka rënë në prangat e policisë italiane pasi u kap në flagrancë në vendin e krimit, teksa kishte vjedhur një klinikë diagnostifikuese.
Ngjarja ndodhi në rrugën ‘Monza’ në Milano.
Karabinierët morën njoftim se një institucion ishte sulmuar në orët e mbrëmjes.
Me të mbërritur në vendngjarje ata konstatuan derën e shpërthyer si edhe dritat e ndezura.
Gjatë kontrollit ata pikasën 25 vjeçarin shqiptar të fshehur në shkallët e qendrës mjekësore ku në dorë mbante një kasafortë.
Shqiptari raportohet se ishte me precedentë të mëparshëm penalë.
© SYRI.net