Mbrëmjen e sotme, një aksident i rëndë ka ndodhur në rrugën Rinia në qytetin e Elbasanit, ku një makinë ka përplasur motorin e një ‘fast food-i’.

Burimet për media bëjnë me dije se si pasojë e përplasjes ka mbetur i plagosur motoristi, i cili është transportuar me urgjencë në spitalin e qytetit.

Sipas informacioneve, ai ndodhet në gjendje të qëndrueshme shëndetësore jashtë rrezikut për jetën. Policia dhe grupi hetimor ndodhet në vendngjarje dhe po heton për zbardhjen e saj.