Lajmi i fundit

Foltorja i përgjigjet Bashës: Halli i demokratëve, pazaret e tua me Ramën

Burg për jetë vrasësit të kunatës në Paskuqan

Burg për jetë vrasësit të kunatës në Paskuqan

17:14, 15/11/2020
A+ Aa A-

Nëntë muaj pas krimit makabër në Paskuqan, Gjykata e Tiranës vendosi të dënojë me burgim të përjetshëm të akuzuarin si autor të ngjarjes, Erdet Çapokun. Ai u shpall fajtor për akuzën e ‘vrasjes për shkak të rrethanave familjare’.

Referuar vendimit gjyqësor të siguruar nga A2, rezulton se e ndjera Enkeleda Çapoku jetonte me vajzën e mitur, teksa bashkëshorti i saj, vëllai i Erdet Çapokut, ishte në burg. Ajo kishte marrë një urdhër-mbrojtjeje pasi prej disa kohësh kunati e gjurmonte, i bënte foto e video dhe e kërcënonte.

Për shkak të frikës, gjatë natës e ndjera mbante në banesë nënën e saj, që u sulmua gjatë ngjarjes. Në gjykim, i pandehuri Çapoku ka pranuar krimin dhe shfaqur pendesë. Ai ka pohuar se e kishte marrë inat kunatën në momentin që e kishte kallëzuar në polici.

‘Unë kisha investuar tërë lekët e mia për të rritur mbesën e të ushqehej Enkeleda. Sa herë që ajo më kërkonte lekë, unë ia jepja dhe shkoja mirë me të, por pasi ajo u betua se do më fuste në burg, edhe unë u betova që ta vrisja sepse më kishte marrë tërë lekët e punës sime. Nuk kisha asnjë faj’, tha Çapoku, shkruan A2.

Çapoku u gjykua në një proces të zakonshëm, çka do të thotë që ai nuk përfiton ulje të dënimit të përjetshëm.

© SYRI.net

Lexo edhe:

Komentet

Shto koment

Denonco