Një shqiptar i moshës 22 vjeç është arrestuar nga policia italiane pasi është kapur me një rafineri të vërtetë droge në apartamentin e tij. Idrit Memaj, u arrestua në një apartament në provincën e Rovigos.
Në rafinerinë e tij në Bosaro, skuadra e policisë arriti të sekuestrojë 30 kile heroinë në formën e ‘karameles’ dhe kokainë.
Nëse sasia e drogës do dilte në treg, vlerësohet se mund të kapte shifrën e 2 milion euro.
Idrit Memaj, shqiptari 22 vjeçar, është resident në Prato, dhe është konsideruar si një grosistët më të mëdhenj të drogës, I gatshëm të furnizonte të gjithë shpërndarësit e vegjël që më pas lëviznin në sheshet e Padovas.
I riu u bllokua të mërkurën ndërsa ishte në drejtimin e makine ‘Polo’, ku poshtë sediljes së makinës iu gjetën tre kapsula me heroinë të karameluar.
Hetimet e mëtejshme çuan edhe në zbulimin e apartamentit të tij në Rodigo.
© SYRI.net