Një natë pas arrestimit, avokati Gjergj Neli ka përfunduar në spital, pasi ka shfaqur probleme shëndetësore. Menjëherë ai është shtruar në spital, nga ku pritet të njihet edhe me masën e sigurisë.
Ndërkohe zv/kryetarja e dhomës se avokatisë Lezhë, Shaqe Marinaj ka denoncuar ditën e sotme pranë SHÇBA efektivin e policisë Myrteza Mehmeti, me pretendimin se ka ofenduar e dhunuar atë dhe avokatin Gjergj Neli.
Arrestimi u bë pasditen e djeshme, pasi policia ka gjetur avokatin Neli dhe bashkëshorten e tij, Shaqe Marinaj duke u konfliktuar me një shtetas.
“Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por shtetasi Gj.N., i ka kundërshtuar me dhunë duke goditur me grusht dhe grisur bluzen njërit prej punonjësve të Policisë”, njofton Policia.
Më pas avokati Gjin Neli është shoqëruar në Komisariatin e qytetit dhe më pas është arrestuar.
© SYRI.net