Gjatë mëngjesit të sotshëm është qëlluar për vdekje me armë Ahmet Toska, 50-vjeçar nga Fieri.

Ai u vra me armë zjarri, i qëlluar në kokë pranë pranë banesës së tij. Dëshmitare për këtë krim ka qenë vetë bashkëshortja e tij.

Ndërkohë ‘Panorama’ ka mësuar detaje nga dëshmia paraprake që ka dhënë për uniformat blu bashkëshortja e viktimës.

“Ishim duke shkuar në pune. Personi ishte me maske”, tregon ajo për autorin.

Sipas dëshmitares së vetme të krimit të rëndë, autori “e qëlloi në kokë dhe u largua me vrap”.

“Kërkova ndihme nga fqinjët, por ishte shume vonë", ka thënë për policine gruaja, e cila është shfaqur në gjendje shumë të rënduar psikologjike.