Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

Nuk vendosën maskën/ Policia gjobit 690 qytetarë, 10 persona u shoqëruan

Nuk vendosën maskën/ Policia gjobit 690 qytetarë, 10 persona u shoqëruan

15:34, 24/10/2020
A+ Aa A-

Policia ka gjobitur 690 qytetarë në 24 orët e fundit me 3 mijë lekë pasi u konstatuan se nuk mbanin maskë. 523 qytetarë nuk i kishin vendosur maskat mbrojtëse teksa 167 pasagjerë u konstatuan pikërisht me këtë shkelje.

10 persona u shoqëruan në komisariat pasi nuk kanë pranuar të identifikohen.

Gjithsesi Policia konstaton se shumica e qytetarëve i kishin vendosur maskat mbrojtëse teksa apelin që qytetarët të respektojnë këtë masë.

NJOFTIMI NGA POLICIA

Policia e Shtetit

Zbatimi i masave anticovid/Gjatë 24 orëve të fundit janë ndëshkuar me masën administrative 3.000 lekë, 690 qytetarë që nuk kishin vendosur maskat mbrojtëse.
Krahas përmbushjes së detyrave funksionale për parandalimin, evidentimin dhe goditjen e paligjshmërisë, strukturat e Policisë kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Gjatë kontrolleve në ambiente të ndryshme në të gjithë vendin, shërbimet e Policisë kanë konstatuar se shumica e qytetarëve i kishin vendosur maskat mbrojtëse edhe gjatë orëve të mbrëmjes. Po gjatë kontrolleve janë evidentuar dhe ndëshkuar 523 qytetarë që nuk i kishin vendosur maskat mbrojtëse dhe për këtë arsye, secili prej tyre është ndëshkuar me masën administrative me vlerë 3.000 lekë.

Gjithashtu, nga ana e shërbimeve të Policisë Rrugore në të gjithë vendin janë konstatuar dhe ndëshkuar me masë administrative 3.000 lekë, 167 pasagjerë që janë konstatuar pa maska në automjete private (pa lidhje familjare me drejtuesin e mjetit) dhe pasagjerë pa maska mbrojtëse në mjetet e transportit publik.

Po gjatë kontrolleve janë shoqëruar në ambientet e Policisë në të gjithë vendin, 10 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, pronarët e lokaleve të respektojë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.

© SYRI.net

Lexo edhe:

Komentet

Shto koment

Denonco