Pronari i një lokali në Velipojë ka rënë në prangat e policisë pasi u kap në flagrancë duke zhvilluar aktivitetin e lojërave të fatit në lokalin e tij.

Sipas Policisë, është arrestuar A. P. 32 vjeç, banues në fshatin Gomsiqe, Velipojë, Shkodër.

“Gjatë kontrollit të ushtruar në ambientet e lokalit, shërbimet e Policisë kanë gjetur dhe sekuestruar në cilësinë e provës materiale 5 makineta, një tavolinë, çipsa dhe letra bixhozi që shërbejnë për ushtrimin e lojërave të fatit“, njofton policia.

Materialet iu referuan Prokurorisë së Rrethit Gjyqësor Shkodër, për veprat penale “Organizim i lotarive të palejuara”dhe “Fshehja e të ardhurave”.