Gazetarit Artan Hoxha, që publikoi pamjet e atentatit ndaj biznesmenit Andon Dhima, nuk i del e keqja me median e Karlo Bolinos.

Kjo e fundit publikoi një shkrim, ku theksonte se ishte një atentat pa krisma.

Edhe pse nga pamjet duket se jeta e Dhimës dhe vajzës së tij ishte e kërcënuar dhe ai shpëtoi për një fije për shkak të ashensorit, në median e Bolinos thuhet se u gjet më shpejt porositësi sesa autorët.

Kujtojmë se vetë Andon Dhima deklaroi pas sulmit se ka vetëm një emër te i cili drejton gishtin: ai quhet Ben Blushi.

Ndërkohë pas arrestimit të katër personave për atentatin e dështuar, të gjithë me precedentë kriminalë, Artan Hoxha ka publikuar një foto nga shkrimi i Shqiptarja.com.

Bashkëngjitur ai jep emrat e personave të arrestuar, të gjithë me rrezikshmëri të lartë shoqërore.

Policia ka vënë në pranga shtetasit Grid Leno, 45 vjeç, banues në Tiranë, i dënuar më parë me 6 vite burgim, për vjedhje me armë në Gjermani.

Albin Hoxha 35 vjeç, banues në Tiranë, i dënuar më parë për plagosje me armë.

Maringlen Matohiti, 30 vjeç dhe Enea Hoxha, 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.