Ka përfunduar në prangat e policisë italiane një 38 vjeçar shqiptar, pasi u kap me një sasi të konsiderueshme lënde narkotike.

I dënuar më herët, shqiptari e kishte fshehur në garazhin e një pallati në Torino 930 gram kokainë.

Sipas informacioneve, garazhi ishte në pronësi të një italiani, por shfrytëzohej nga shqiptari.

Droga ishte e ndarë në tre pako, ndërsa u sekuestruan edhe materiale të tjera për paketimin e dozave të drogës si dhe një peshore precize. 38-vjeçari u arrestua dhe u vendos në arrest shtëpiak.