Një ngjarje e rëndë ka ndodhur në rrugën Fushë Krujë-Laç.

Policia ka ngritur në këtë aks një postbllok, për të kontrolluar makinat.

Por shoferi i njërës prej tyre nuk ka ndaluar duke tentuar të largohet dhe më pas ka goditur një punonjës policie, i cili ka tentuar ta ndaluar.

Për pasojë efektivi i policisë ka marrë plagë të rënda dhe është dërguar me urgjencë në Spitalin e Traumës në Tiranë, ku ndodhet nën kujdesin e mjekëve.

Sipas policeve në vendngjarje personi që sulmoi postbllokun dhe goditi efektivin është ndaluar nga policia, por identiteti i tij nuk jepet.