Një aksident tragjik ka ndodhur në Petritoli, në Fermano, Itali.

Një djalë shqiptar vetëm 10 vjeç ka humbur jetën tragjikisht në aksidentin automobilistik, ndërsa ishte në makinë me babanë e tij, i cili ndodhet në gjendje të rëndë në spitalin e Fermos, Itali.

Tragjedia ndodhi pak para mesnatës së djeshme, përgjatë rrugës që lidh Valmirin me Petritolin, pak para se të hynin në qendrën historike të qytetit. 

Burri, një 40-vjeçar shqiptar, me banim në Itali për shumë vite, po ngiste një makinë ‘Fiat Panda’ dhe po udhëtonte në rrugën që ngjitet nga Valmiri drejt qendrës historike, në shoqërinë e fëmijës së tij, lindur në Itali dhe banues në Valmiri së bashku me familjen e tij.

Për shkak ende të panjohura, shoferi humbi kontrollin e makinës e cila përfundoi duke u përplasur në një mur dhe më pas u përmbys.

Nga përplasja e dhunshme, fëmija doli nga makina duke ndërruar jetë, ndërsa babai ishte i bllokuar mes ‘airbag’-ve të makinës.

Zjarrfikësit e Fermo dhe personeli mjekësor kanë shkuar në vendngjarje pas njoftimit për aksidentin.

Çdo përpjekje për të shpëtuar jetën e fëmijës ishte e kotë, ndërsa babai, pasi u nxor nga zjarrfikësit dhe pas mjekimit të parë që iu dha në vend, u transportua në kushte shumë të rënda në spital.

Gjithashtu në vendngjarje shkuan edhe karabinierët e Petritoli, ku trupi i vogël i fëmijës u transportua në morgun e Fermos.