'Foli italisht'/ Detaje të reja për shpërthimin në makinën e Preng Gjonit

'Foli italisht'/ Detaje të reja për shpërthimin në makinën e Preng Gjonit

13:02, 24/09/2020

Detaje të reja kanë dalë në dritë nga atentati me tritol ndaj Preng Gjinit më 15 shtator të këtij viti.

Prokuroria e Tiranës dhe grupi i hetimit të Krimeve të Rënda kanë identifikuar një person që shfaqet në kamerat e sigurisë në zonën ku ndodhi shpërthimi. Ai largohet me vrap, ndërsa ka të hedhur në krahë një çantë të kuqe, i veshur me xhinse edhe me kapele në kokë si dhe një bluzë të zezë.

Ky person shfaqet gjatë kohës që Preng Gjini  po pi kafe duke vëzhguar në distancë, ndërsa bën lëvizje të dyshimta. Kamarierë të një lokali afër perimetrit ku ndodhi shpërthimi i thanë grupit të hetimit se ky person u kishte folur në gjuhën italiane. Por prokurorët dyshojnë që në të vërtetë ai është shtetas shqiptar.

Burimet i thanë gazetares Anila Hoxha, se deri më tani janë kontrolluar 27 kamera subjektesh, për të parë lëvizjet e këtij personi rreth moshës 30-vjeç.

Ndërkohë, Preng Gjini është nisur drejt Turqisë, ku do t’i nënshtrohet një operacioni atje, pasi rrezikon shikimin.

Tek Spitali i Traumës, 50-vjecari Preng Gjini bëri tre ndërhyrje kirurgjikale në bark, në gjymtyrë dhe në sy.

© SYRI.net

Lexo edhe:

Komentet

Shto koment

Denonco