Një aksident i rëndë ka ndodhur mesditën e sotme në Peqin.
Burime nga policia thanë se një makinë ka përplasur një motor, duke shkaktuar një të vdekur.
Aksidenti ka ndodhur tek vendi i njohur me emrin ‘Kryqëzimi i Gjoçajve’.
Viktimë mësohet se është një 63-vjeçar i identifikuar si Xhelal Toli.
Policia Peqin/ Informacion paraprak
Në aksin rrugor Elbasan- Peqin, në fshatin Gjocaj, shtetasi E.Z., banues në Fier, duke drejtuar mjetin tip ‘Benz’, është përplasur me motoçikletën me drejtues shtetasin Xh.T., 77 vjeç, banues në fshatin Gjocaj, Peqin.
Si pasojë e aksidentit është plagosur dhe ka ndërruar jetë drejtuesi i motoçikletës.
Grupi hetimor ndodhet në vendngjarje dhe po punon për zbardhjen e shkakut të aksidentit.
© SYRI.net